ಅರೆರೆರೆ... ಹಾರಿತ ಲಂಗ

ಗ.  ಅರೆರೆರೆ... ಹಾರಿತ ಲಂಗ
      ಲಂಗ ನೋಡಿ ಹಿಡಿತಲ್ಲ ಗುಂಗ
      ನನ್ನ ನೋಡಿ ಮಾರಿ ತಿರುವಬ್ಯಾಡ ಅಂಗ..
      ರಸ್ತೆ ಮೇಲೆ ನಡಿದು ಬಂದರೆ ನವಿಲ ಕುಣದಂಗ
      ವಾರಿ ನೋಟ ಬಿರಿ ನಾರಿ ಮಾಡ್ತಿ ಹೆಂಗೆಂಗ
      ರಾತ್ರಿ ಮಲಗಿದಾಗ ಕನಸಲಿ ನೀನೆ ಬಂದಂಗ||
      ನೀನೆ ಬಂದ ಘಳಿಗಿ ಕೈಯಾಗ ಸ್ವರ್ಗ ಸಿಕ್ಕಂಗ... 

ಹೆ.  ಅರೆರೆರೆ...ಆಗಬ್ಯಾಡ ನೀ ಮಂಗ
      ಬಾಯಿತೆರೆದ ನಿಂತ್ಯಾಕ ಅಂಗ
      ನನ್ನ ನೋಡಿ ಆಡಬ್ಯಾಡ ಹುಚ್ಚರಂಗ..   
      ಲಂಗ ನೋಡಿ ನಿಂತಿ ಯಾಕ ಕರೆಂಟ ಹೊಡ್ದಂಗ
      ನನ್ನ ಇಷ್ಟದ ಲಂಗ ಹಾಕ್ತಿನಿ ಹಾಡ್ತಿ ಯಾಕಿಂಗ?
      ಸುಮ್ನ ನನ್ನ ಕಾಡಬ್ಯಾಡ ಹೋಗ ಹುಚ್ಮಂಗ||
      ಮಂಗ್ಯಾನಂಗ ಮಾಡ್ತಿಯಲ್ಲ ಬುದ್ದಿಲ್ಲ ನಿಂಗ?...
                                                                ಅರೆರೆರೆ...   

ಗ.  ಮಾರಿ ನೋಡ್ಲಾಕಂತ ಬರ್ತಿ ತಾಸ್ಗೊಮ್ಮಿ ನೀರಿಗಿ
     ಬಂದಾಗೊಮ್ಮಿ ಬಡ್ಕಂಡ್ಬರ್ತಿ ಪೌಡರ್ ಮಾರಿಗಿ
     ಮನಸಿನ ಮಾರು ಹೇಳ್ತಿನಿ ಬಾರ ಗ್ವಾಡಿ ಮರಿಗಿ||
     ನಿನ್ನ ಮ್ಯಾಲ ಇಟ್ಟಿನಿ ಮನ್ಸ ಹೇಳ್ಬ್ಯಾಡ್ಯಾರಿಗಿ...
                                                                 ಅರೆರೆರೆ...

ಹೆ.  ನನ್ನ ಸಲ್ವಾಗಿ ಸಾಯಬ್ಯಾಡ ಸರಿಯೋ ಸೈಡಿಗಿ
      ಒಂದೆ ಮಾತು ಹೇಳಿದರೆ ನನ್ನ ಅಣ್ಣರಿಗಿ
      ಕೈಕಾಲು ಕಡ್ದ ಹೋಗಿಯತಾರ ನಿನ್ನ ಮೋರಿಗಿ||
      ನನ್ನ ಚಿಂತ್ಯಾಗ ಮಣ್ಣಾಗ್ತಿಯ ಕಡೆತನಕ ಕೊರಗಿ...
                                                                   ಅರೆರೆರೆ...

ಗ.  ಕಂಡಿನಿ ಬಾರ ಕಟ್ವಾಳ್ಪೊರಿ ನನ್ನ ಎದುರಿಗಿ
      ಸಾವಿರೂಪಾಯಿ ಕೊಟ್ತಂದಿನಿ ಮುಂಗಾರ್ಮಳೆ ಸಿರಿಗಿ
      ಹುಟ್ಕೊಂಡ್ಬಾರ ಹುಡ್ಗಿ ನೀನು ನಮ್ಮುರ್ತೆರಿಗಿ||
      ಇಬ್ಬರು ಕೂಡಿ ಮಾಡೋಣಂತ ಜಾತ್ರಿ ಜೋರಾಗಿ...
                                                                     ಅರೆರೆರೆ...

ಹೆ.  ಇಷ್ಟೊತ್ತಿನ್ಯಾಗ ಹೇಳೊ ಮಾತಲ್ಲ ನಿಂತ ದಾರಿಗಿ
       ನಿನ್ನ ಮಾತು ಕೇಳಿ ಮನಸ ಹೊತಲ್ಲ ಕರಗಿ
       ಚಂದಾಗಿವಿ ಹುಡುಗಾ ನಾನು ನೀನು ವಾರಿಗಿ||
       ಕಾಯಿ ಹೊಡ್ದ ಕೈ ಮುಗಿಯೋಣ ಕೂಡಿ ದೇವರಿಗಿ...
                                                                       ಅರೆರೆರೆ...

                                                            ರಚನೆ : ಭೀಮರಾಯ ಡಿ ಬಡಿಗೇರ್, ಮಾಲಗತ್ತಿ