ನಿನ್ನ ಮಾರಿ ನೋಡಿ ಬಾಳ ದಿನ ಆತ

ಗ.  ನಿನ್ನ ಮಾರಿ ನೋಡಿ ಬಾಳ ದಿನ ಆತ
     ನೀ ಉಳಿಸಿಲ್ಲೇನ ನನದೊಂದು ಗುರುತ
     ಗೆಳತಿ ಹೋಂಟೇನ? ನೀ ನನ್ನ ಮರೆತ
     ಇರಲೇಂಗ? ನಾ ಇನ್ನ ಜಿವಂತ..

ಹೆ. ನಿನ್ನ ಪ್ರೀತಿ ಮಾಡಿ ಬಾಳ ಮರುಗುದಾತ
     ನಾ ಉಳಿಸಿಲ್ಲ ನಿನಗ ಕೊಟ್ಟ ಮಾತ
     ಅಗಲಿಸಿ ಕುಂತಾರ ನಮಗ ಬೇಕಂತ
     ನೀನಗ ಮಾರಿ ತೊರ್ಸಲಿ ನಾ ಏನಂತ..?

ಗ. ದಿಕ್ಕಿಲ್ಲದವ ಅಂತ ಆಗಿದ್ದಿ ಜೊಡಿ
    ದಿಕ್ಕ ನೀ ತಪ್ಪಿಸಿ ವಾದೇನ? ದೂಡಿ
    ಹಗಲಿರುಳು ಎನ್ನದೆ ನೀ ನನ್ನ ಕೂಡಿ
    ಎಲ್ಲಿ ವಾದಿ ಗೆಳತಿ? ನನ್ನ ಮರೆಮಾಡಿ
                     ಬಾಳ ದಿನದಿಂದ ಕಾಡಿದೆಲ್ಲ ಬೆಡಿ
                     ಪ್ರತಿ ಘಳಿಗಿ ನೀ ಇರತಿದ್ದಿ ಕೂಡಿ
                     ಯಾರು ಏನು ಹೇಳ್ಯಾರ ನಿನಗ ಚಾಡಿ
                     ಒಂದು ಸಾರಿ ಬಂದ್ಹೋಗ ಮಾತಾಡಿ..

ಹೆ.  ನಿನ್ನ ಚಿಂತ್ಯಾಗ ಕುಂತೇನ ಮುದಡಿ
       ಸತ್ತ ಹೋಗ್ಯಾವ ನನ್ನ ನರನಾಡಿ
      ಕೈಕಾಲು ಬರವಲ್ದು ಬರಲಾಕ ಓಡಿ
      ನಿನ್ನ ನೆನಪಾಗಿ ಅಳತಿನಿ ಬೊರ್ಯಾಡಿ
                     ಗೆಳೆಯ ಗೊತ್ತಾತ ನಮ್ಮ ಪ್ರೀತಿ ರಾಡಿ
                     ನಿನ್ನ ಜಾತಿ ಕೇಳ್ಯಾರೆಲ್ಲ ಕೂಡಿ
                     ಮದವಿ ಮಾಡ್ಯಾರ ಅವಸರ ಮಾಡಿ
                     ಸೆರೊದೊಂದೆ ಬಾಕಿ ನಾ ಸುಡಗಾಡಿ..

ಗ.  ನಿನಗಾಗಿ ಮರುಳ ತಂದಿದ್ದೆ ಹರಳ
      ಮೆಚ್ಚಿ ಕೊಯ್ದೇನಾ? ನೀ ನನ್ನ ಕೊರಳ
      ರಾತ್ರಿ ಬೆಳತಾನ ಎದಿ ಮ್ಯಾಲ ಬೆರಳ
      ತಿದ್ದಿ ತಿಡತಿದ್ದಿ ನೀ ಎಷ್ಟ ಸರಳ
                     ಪ್ರೀತಿಗಿ ಬಂತ್ಹೇನ? ಜಾತಿ ಅಡ್ಡ ಬಾಳ
                     ನನ್ನ ಕೂಡಿದಾಗ ಜಾತಿ ಎಲ್ಲಿತ್ತ್ಹೇಳ?
                     ಏನಾರ ಹೇಳಬ್ಯಾಡ ನೀ ಸುಳ್ಳ ಸುಳ್ಳ
                     ನಿನ್ನ ಚಿಂತ್ಯಾಗ ತಿಂದಿಲ್ಲ ಕೂಳ..

ಹೆ.  ನಿನ್ನ ಜಾತಿ ಕಿಳಂತ ಬಡಿದಾರ ಬಾಳ
      ಕೇಳುವವರು ಇಲ್ಲ ಗೆಳೆಯ ಈ ನನ್ನ ಗೊಳ
      ಹಸಿಗ್ವಾಡಿ ಮ್ಯಾಲ ಇಟ್ಟಂಗ ಅಳ್ಳ
     ಚುಚ್ಚಿ ಮಾತಡತಾರ ಇರಲೆಂಗ ಹೇಳ?
                     ಹಿಡಿದು ಹೋಗುವಾಗ ಬ್ಯಾರೆ ಹುಡ್ಗನ ಬಳ್ಳ
                     ಕಿತ್ತು ಬರತಿತ್ತ ಹೊಟ್ಟ್ಯಾನ ಕಳ್ಳ
                     ನನ್ನ ನಂಬಿ ನೀ ಆಗ ಬ್ಯಾಡ ಹಾಳ
                     ಕೊನಿಗಿ ಆಗಲಿಲ್ಲ ನಾ ನಿನ್ನ ಚರಣ ದೂಳ..

                                                                ರಚನೆ : ಭೀಮರಾಯ ಡಿ ಬಡಿಗೇರ್, ಮಾಲಗತ್ತಿ